უილიამ თეკერეი

უილიამ თეკერეი მეცხრამეტე საუკუნის სახელოვანი ინგლისელი მწერალი იყო.
იგი კაპიტალისტური  საზოგადოების მანკიერების მკაცრი და სასტიკი მამხილებელი იყო. კრიტიკოსები მას უმიზნო ცინიკოსად და მიზანთროპად მიიჩნევდნენ, რადგან მის თითქმის ყველა ნაწარმოებს პესიმისტური ელფერი დაჰკრავს, რომელიც შეზავებულია სატირასთან. იგი თავს ესხმის ბურჟუაზიული საზოგადოების ადამიანთა წვრილმანობას, თავკერძაობას , ეგოიზმს , ბიწიერებას.
უილიამ მეიკფის თეკერეი დაიბადა 1811წლის 18 ივლისს კალკუტაში. მამამისი ინდოეთის კომპანიის მოხელე იყო და კარგი შეძლებაც ჰქონდა. მამის გარდაცვალების შემდეგ, იგი ინგლისში ჩამოდის. სკოლაში და სტუდენტობის დროს სიბეჯითით არ გამოირჩეოდა. მაგრამ ადრევე გამოამჟღავნა სატირისტული ნიჭი.
მას კემბრიჯის უნივერსიტეტი არ დაუმთავრებია, სამოგზაუროდ წავიდა. იმოგზაურა გერმანიაში,საფრანგეთში, იტალიაში.გაიცნო გოეთე. ცდილობდა ხატვაში დახელოვნებას და ამბობდა რომ ყველაზე მეტად ხატვა ეხალისებოდა.
ინგლისში დაბრუნებისას მან იურისპრუდენციის შესწავლა დაიწყო, მაგრამ მალევე დაანება თავი .მან მიიღო დიდძალი მემკვიდრეობა, მაგრამ მალევე გაფლანგა. ამის შემდეგ იძულებული გახდა საკუთარი შრომით ერჩინა თავი, რაც წაადგა მის მომავალ შემოქმედებას.
მან მხოლოდ ამაოების ბაზრის გამოქვეყნების მერე მოიპოვა აღიარება ,რადგან ჩარლზ დიკენსი ჩრდილავდა.
გარდაიცვალა 1863 წლის 24 დეკემბერს.
მისი დამსახურებაა სიტყვა სნობის თანამედროვე გაგება. სნობი დიდებულთა წინაშე მიწას განერთხმის,მდაბალთ კი სწიხლავს. მუდამ თავი მოაქვს სიმდიდრით ,ცდილობს გამოჩენილი კაცის სახელი დაიგდოს , ნამდვილად კი უბადრუკი რეგვენია.

სიყვარულის 40 წესი

  ეს წიგნი გვასწავლის ღმერთის სიყვარულს.ეს არის სიყვარულის რელიგიის 40 წესი.წიგნში ბევრია საუბარი ისლამზე და რა უნდა იყოს მისი დანიშნულება.
  წიგნში არის ორი სიუჟეტური ხაზი.პირველია ელა რუბინშტეინის და შოტლანდიელი მწერლის აზიზის სიყვარული.ელას ჰყავს სტომატოლოგი ქმარი,3 შვილი და 1 ძაღლი.სჯერა,რომ ცოლ-ქმრობა მიმტევებლობა და ურთიერთგაგებაა და არა სიყვარული.ცხოვრობენ ამერიკაში.ელამ 20 წლიანი იდილიური ცხოვრების შემდეგ განქორწინება გადაწყვიტა.იგი ინგლისური ენის სპეციალისტია.იგი კრიტიკოსობაზე  ოცნებობდა,მაგრამ ქმარმა სახლში გამოკეტა.ბავშვები რომ წამოიზარდნენ,თავისუფალი დრო გამოუჩნდა და მუშაობა დაიწყო.ეს ებრაული ოჯახია.მისი აზრით,სიყვარული მხოლოდ სერიალებშია,ისევე სწრაფად მიდის,როგორც მოდის.მთავარია იპოვო კაცი,რომელიც კარგი მამა და ქმარი იქნება.სწორედ ეს სიტყვები უთხრა შვილს,რომელმაც გათხოვება გადაწყვიტა.მას შესაფასებლად მისცეს შოტლანდიელი მწერლის წიგნი,სადაც ჯალალ-ედ დინ რუმი და შამს თებრიზი ერთმანეთს ესაუბრებიან.ეს წიგნი სიყვარულზეა.ელას თავზარი დაეცა.
  ელამ ქალიშვილის საქმროს დაურეკა და მისი გოგონას ცოლად შერთვა აუკრძალა.ამას მოჰყვა ის,რომ გოგონამ და ქმარმა ღამე სახლში არ გაათიეს.
  ელამ წიგნის ავტორს მესიჯი მისწერა,თითქოს უნდა გაარკვიოს მართლა არსებობს თუ არა სიყვარული.მწერალმა მისწერა,რომ რისი შეცვლაც არ შეუძლია,უნდა მიუშვას თავის ნებაზე.
  ელა იწყებს ოცნებას,რომ მიატოვოს მოდუნებული ცხოვრება და ფათერაკებს გადაეყაროს.
  ელა თავის ქალიშვილს შეურიგდა.პირველი ნაბიჯი გოგონამ გადადგა და დედას აპატია.
  ელას და აზიზის მიმოწერა სისტემატიური გახდა.ელა გრძნობს,რომ ქმარი ღალატობს.მაგრამ თავს იკატუნებს,რომ არაფერი იცის,რადგან სიმშვიდე უნდა.
  ამასობასი,ელას აზიზთან მიმოწერა ფლირტში გადავიდა.მათ უკვე მეგობრობაზე მეტი აქვთ.ელამ სულიერი სიმშვიდე მოიპოვა და ქმრის მიმართ სულაც გულგრილი გახდა.იგი გამოუტყდა თავის თავს,რომ აზიზის მიმართ ვნებას განიცდის.იგი აზიზს სიყვარულში გამოუტყდა კიდეც.აზიზი მალევე ჩამოვიდა ბოსტონში.ისინი ერთმანეთს სასტუმროში შეხვდნენ.პირველივე დღეს სექსი არ ჰქონიათ,რადგან ელა ყოყმანობდა.აზიზმა კი საკმაოდ ინტიმური სცენა დადგა,როდესაც თან ეფერებოდა და თან ლოცულობდა.
  ერთად 5 დღე გაატარეს,თუმცა სექსი არ ჰქონიათ.წასვლის წინ აღიარა აზიზმა,რატომ იკავებდა თავს.მას კანის კიბო აქვს.მას ელასთვის არაფრის შეთავაზება არ შეუძლია.იგი ელას ურჩევს,რომ დაშორების შემდეგ რუმივით ფერი იცვალოს და არ შეეშინდეს ცვლილებების.ელამ ქმარი მიატოვა.ერთი წელი გაატარა აზიზთან,მაგრამ სიკვდილმა მაინც მოაკითხა აზიზს.ელას სიყვარული დასრულდა.ფერისცვალება შედგა.ელამ დამოუკიდებელი ცხოვრება დაიწყო.
  ახლა რაც შეეხება აზიზის წიგნს.თავიდანვე ვიგებთ,რომ შამს თებრიზს მოკლავენ.შამს თებრიზმაც იხილა საკუთარი სიკვდილი ხილვაში.შამსი და რუმი ერთსა და იმავე სიზმარს ხედავენ,რაც მათ შეხვედრას წინასწარმეტყველებს.
  თურმე ისლამში ღმერთს 99 სახელი ჰქვია.
  რუმს ცოლი,ორი ვაჟი და ერთი ნაშვილები გოგონა ჰყავს.მას სიღარიბე არასდროს უგრძვნია.იგი მოწაფეებითაა გარშემორტყმული და სულაც არ ჰგავს თაბრიზს.იგი წარჩინებული ოჯახის შვილია და მორთულ მოკაზმული დადის.იგი თურქებისთვის იესოსავით იყო,მათი სულიერი წინამძღოლი.
 შამსის თქმით ყოველი ადამიანი მიმდინარე სამუშაოა,ღმერთს არ დაუსრულებია მათი ქმნა და ყველა მიელტვის სრულქმნას.
  გულისამაჩუყებელია ეპიზოდი,როდესაც შამსმა იესოსავით მეძავი ჩაქოლვას გადაარჩინა.შემდეგ კი დაარწმუნა ეს მეძავი,რომ იგი წყაროს წყალივით სუფთაა.
  მუსლიმ სწავლულებს არ მოსწონდათ სუფიები,რადგან მიაჩნდათ,რომ ადამიანი მარტივი არსებაა და მას ღმერთზე ზერელე წარმოდგენა უნდა ჰქონდეს.
  რუმი და შამსი ერთმანეთს საჯაროდ შეხვდნენ პირველად.შამსმა შეკითხვა დაუსვა,თუ ვინ უფრო ახლოსაა ღმერთთან:მუსლიმი ღვთისმეტყველი თუ სუფი.აქედან დაიწყო მათი მეგობრობა.თებრიზმა რუმს სიყვარულის 40 წესი გადასცა.
  არ მომეწონა ის ეპიზოდი,სადაც შამსი თითქოს ყურანის გამართლებას ცდილობს.ეს ის ეპიზოდია,რომელიც კაცებს ნებას რთავს ქალები სცემონ.შამსი კი ამბობს,ეს ეპიზოდი სხვანაირად უნდა გაიაზროო.
  საბოლოოდ,შამსმა მოახერხა რუმის ფერისცვალება.რუმიმ უარი თქვა სახელზე,დიდებაზე,ამპარტავნებაზე და შამსის წინაშე თავი დაიმდაბლა.მან ლექსების წერა დაიწყო.
  შამსის თქმით,ღვთისმეტყველი გონების კარნახით მოქმედებს,მისტიკოსი კი გულის.
  ცნობილი დავრიშების ცეკვა ნიშნავს ადამიანს,რომელიც ღმერთს ეძებს.
  შამსის თქმით,მეხუთე ელემენტია სიცარიელე.
  შამსს რუმის შვილობილი ცოლად შერთეს,მაგრამ ქმრობა არ იყო შამსის საქმე.მან გოგონასთან სარეცელი არ გაიზიარა და გოგონა დარდით მოკვდა.
  შემდეგ შამსი მოკლეს,რადგან მისი პირდაპირობა არავის ეპიტნავებოდა.რუმი სიცოცხლის ბოლომდე ნატრობდა თავის საყვარელ მეგობარს.

#გამოთქმები #ელიფ შაფაქი #სიყვარულის 40 წესი

1.ვინც ღმერთს გმობს,ის თავის თავს გმობს.
2.ღმერთის შენეული აღქმა შენი ზუსტი ანარეკლია.თუ ღმერთი მარტო საყვედურის სურვილსა და შიშს აღგიძრავს,ეს იმას ნიშნავს,რომ სული შიშით და ღვარძლით გაქვს სავსე.ხოლო თუ ღმერთში სიყვარულისა და თანალმობის წყაროს ხედავ,მაშინ შენც ასეთივე ხარ.
3.როცა საკუთარ მეს შეიცნობ,შეიცნობ ღმერთსაც.
4.სულიერად ერთმანეთს ვგავართ.
5.ყველა ჩვენგანს აწუხებს არასრულყოფილების განცდა.
6.უნდა იპოვო ადამიანი,რომელიც შენი სარკე გახდება.
7.ადვილია,გიყვარდეს ყოვლად სრული ღმერთი სპეტაკი და შეუცდომელი.ბევრად უფრო ძნელია,გიყვარდეს მოძმე შენი ადამიანი,უამრავი ზადის მქონე.
8.ეშმაკი რაღაც განსაკუთრებული ძალა კი არ არის,არამედ შენივე შინაგანი ხმა.
9.ვინც განსხვავებას პატივს არ სცემს და თავის აზრს სხვებს ახვევს,პირველ რიგში ღვთიურ წესრიგს არ უწევს ანგარიშს.
10.მარადისობა უსასრულო დროს როდი ნიშნავს,არამედ უდროობას.თუ გსურს ეზიარო მარადისობის ნათელს,გონებიდან ამოიშალე წარსულიცა და მომავალიც და სამუდამოდ დარჩი აწმყოში.

გამონათქვამები წიგნიდან "იესოს სახარება"

1.ღმერთი მისივე ნებით ჩადენილ ცოდვებს არავის პატიობს.
2.შვილებს შესაძლოა იგივე დაესიზმროთ,რაც მამებს.
3.თუ დროს საკმარის დროს მივცემთ,აუცილებლად დადგება დღე,როცა სიმართლე სიცრუედ იქცევა,სიცრუე კი-სიმართლედ.
4.სიკეთე ნაზი და სათუთია და როგორც კი ბოროტება ყველაზე საზარელი ცოდვის ცხელ ოხშივარს სახეში შეასუნთქავს,წამსვე ქრება მისი სიწმინდე,ხუნდებიან და ჭკნებიან მისი შროშანისფერი ყვავილები.
5.მიეცი შეჭირვებულს,მაგრამ ნუ მოსთხოვ არასმქონეს.
6.ყველაფერი რაც ღმერთს ეხება,ასევე ეხება ეშმაკსაც.
7.ერთადერთი,რაც ღმერთს არ ძალუძს- არ შეუძლია თავის თავი რომ არ უყვარდეს.

#სარამაგუ #იესოს სახარება

  ეს არის წიგნი პაროდია.პირველად სარამაგუს კაენი წავიკითხე და ამ წიგნშიც იგივე სარკაზმი და დაცინვა დამხვდა რელიგიის მიმართ.მწერალი თანმიმდევრობას არ იცავს და სახარების ახალ ვერსიას გვთავაზობს.სარამაგუს ენა თავიდან საკმაოდ რთულად აღვიქვი.ერთ წინადადებაში 10 სხვა წინადადებაა და ყველას დამოუკიდებელი ქვეტექსტი აქვს.თითქოს მრავალგანზომილებიანი სივრცეა.
  წიგნის მიხედვით,მარიამი და იოსები გაუნათლებელი წყვილი იყო.მარიამი იოსებისგან დაორსულდა.მას ანგელოზი ეწვია და მანათობელი მიწა აჩუქა,რამაც იოსები ძალიან შეაშფოთა და ეს მიწა ორმოში ჩამარხა.ანგელოზი,რომელიც მარიამს გამოეცხადა მაწანწალას ჰგავდა.იგი იოსებმაც დაინახა და ჩათვალა,რომ თავისი ვაჟი დაინახა მომავლის პერსპექტივაში.მწერალი სატყუარას გვიგდებს და გვამცნობს,რომ ანგელოზი,რომელიც მარიამს გამოეცხადა,შესაძლოა ეშმაკი იყო,რადგან მან ბეთლემში სხვა ბავშვები არ გადაარჩინა.
  შემდეგ მარიამი და იოსები ბეთლემში წავიდნენ,რომ საყოველთაო აღწერაში მიეღოთ მონაწილეობა.
  ტექსტში ხშირად შეხვდებით ქალების დამცირებას.მაგალითად,მწერალს უკვირს,თუ რატომ უნდა იბადებოდეს ადამიანი ქალის ბინძური საშოდან.ასევე,თურმე იესოს ასწავლიდნენ,რომ ქალი არარაობაა და ამიტომ იგი დედას არ უამბობდა,თუ რას ასწავლიდნენ სინაგოგაში.ცნობილია,რომ სარამაგუ ქალთა უფლებებს იცავდა.ანუ ეს უნდა გავიგოთ,როგორც პროტესტი წმინდა წერილის მიმართ ქალთა უფლებების უგულებელყოფის გამო.
  მწერალი დასცინის მსხვერპშეწირვის ტრადიციას.მარიამი მშობიარობის შემდეგ ტაძარში წაიყვანეს განსაწმენდად და ორი მტრედი დაკლეს.
  შემდეგ ანგელოზი იოსებს ადანაშაულებს,რომ მან მხოლოდ იესო გადაარჩინა და სხვისი შვილები არა და მისი ცოდვა-ბრალი იესოზე გადავა.იოსები მართლაც განიცდის სინდისის ქენჯნას.
  თურმე დავით წინასწარმეტყველმა აღწერა რომ ჩაატარა,ღმერთმა დასაჯა,რადგან მხოლოდ ღმერთს აქვს უფლება თავისი ხალხი დათვალოს.რომაელებმა რომ დაიწყეს აღწერა,ღმერთი საერთოდ არ ჩარეულა.
  იმ დროის ისრაელში ამბოხება ბობოქრობდა.იოსებს მეამბოხეობა დაბრალდა და ჯვარს აცვეს.იგი 33 წლის იყო.
  იესოს მამისგან მემკვიდრეობით ერგო სიზმარი.მან გაიგო სიმართლე,რომ მის გამო 25 ბავშვი დაიღუპა და შესძახა:"მამა,მამა,რად მიმატოვე".
  13 წლის იესომ სიმშვიდე დაკარგა და სახლი მიატოვა.დაიწყო ხეტიალი,მათხოვრობა და შიმშილობა.გზად გაქურდეს კიდეც.იერუსალიმში ღვთისმეტყველს ჰკითხა,უნდა დაისაჯოს თუ არა შვილი მამის ცოდვების გამო,რაზეც დადებითი პასუხი მიიღო.
  მწერალი ირონიულად უყურებს ძველ ებრაულ სჯულის კანონებს.ერთ-ერთი კანონის თანახმად უცხოს უფლებები არ უნდა შელახო.ერთ-ერთი ღვთისმეტყველი კი განმარტავს,რომ არ უნდა შელახო,თუკი საერთოდ მიანიჭებ მას უფლებებს.
  იესო ეშმაკმა აიყვანა შეგირდად.ეს ის ანგელოზია მარიამს რომ გამოეცხადა.
  მომხიბვლელია სცენა,როდესაც იესომ გადაიფიქრა ბატკნის მსხვერპლშეწირვა და სიცოცხლე შეუნარჩუნა.მაგრამ,როდესაც მას უდაბნოში ღმერთი გამოეცხადა და ძალაუფლება შესთავაზა მისი სიცოცხლის სანაცვლოდ,იესომ მას გადარჩენილი ცხვარი დაუკლა.
  ეშმაკმა იესო გააგდო,რადგან ჩათვალა რომ იესომ ვერაფერიც ვერ ისწავლა.ანუ თუ ერთხელ არ დაემორჩილა და ცხვარი არ დაუკლა,არც მეორედ უნდა დაეკლა.
  ამის შემდეგ,იესომ ანდრია და სიმონი გაიცნო.მწერალი ამბობს,რომ უამრავი თევზის დაჭერის სცენა მხოლოდ დამთხვევა იყო და არა სასწაული.
  შემდეგ იწყება იესოს და მარიამ მაგდალელის სიყვარულის ისტორია.
  დედამ და ძმებმა არ დაუჯერეს,რომ მან ღმერთი ნახა და სახლიდან ხელმეორედ წავიდა.მან ისევ ნახა სიზმარი,მაგრამ ეს უკვე სხვა სიზმარია.თითქოს მამას ეძახის.რატომ მოხდა შერიგება?იესოს სინდისი აღარ ქენჯნის.იგი ამპარტავანი გახდა ღმერთთან შეხვედრის მერე.
  აღწერილია ანგელოზების თვითნებობა.თითქოს ერთ-ერთი იესოს დასთან იწვა.
  იესოს მალე გაუვარდა სახელი,როგორც ადამიანს,რომელსაც ქარიშხალი ემორჩილება და სიტყვით უხვ თევზს იჭერს.თუმცა,მწერალი ამბობს,რომ იესოს პირველი სასწაულები უბრალო მაგია და ფოკუსები იყო.
   ცნობილ ეპიზოდში მეძავს,იმიტომ გამოესარჩლა,რომ თვითონაც მეძავთან იწვა.
   როდესაც იესომ ეშმაკეულები ღორებში ჩაასახლა,განმარტა რომ 2000 ღორის სიკვდილი ღირს ერთი ადამიანის გადარჩენად.მწერალი კი ამბობს,რომ იესომ ვერ გათვალა,რომ ეშმაკეულ ღორებს სხვები შეჭამდნენ.
  ღმერთმა იესო გამოიყენა,რომ თავისი ძალაუფლება მთელ დედამიწაზე გაევრცელებინა.თვითონ ღმერთი არ დაეშვა დედამიწაზე,რადგან სხვა ღმერთებთან ხელშეკრულება ჰქონდა დადებული,რომ მათ საქმეებში არ ჩაერეოდა პირდაპირ.ამიტომ ეს ირიბად უნდა მომხდარიყო.არ არსებობს ადამიანი ცოდვის გარეშე და ამიტომ იესომ მათ ხშირად უნდა უმეოროს,რომ მოინანიონ და ამ გზით გაბატონდება მათზე.
  ღმერთი ამბობს,რომ მიზანი ამართლებს საშუალებას და რომ მას სინდისის ქენჯნა არ აწუხებს.იგი ეშმაკს არ შეურიგდა,რადგან ეშმაკის გარეშე სიკეთე გაუფასურდება. იესო იტანჯება იმის გამო,რომ მის გამო 5 მილიონი ადამიანი უნდა დაიღუპოს.
  წიგნის მიხედვით,მართა,ლაზარე და მარიამ მაგდალელი და-ძმანი იყვნენ.მართასაც შეუყვარდა იესო.ლაზარე იესომ უბრალოდ განკურნა.ხოლო როცა ის მართლა მოკვდა,მაგდალელმა არ დააცადა მისი გაცოცხლება,რადგან ადამიანისთვის ორჯერ სიკვდილი მეტისმეტია.
  იესო ღვთის ნების საწინააღმდეგოდ წავიდა.გადაწყვიტა,რომ მოკვდეს როგორც ადამიანი და არა როგორც ძე ღვთისა,რომ ადამიანებს ტანჯვა ააცილოს.იგი მოკვდა,როგორც იუდეველთა მეფე.საკუთარი ბედი მაინც ვერ შეცვალა.სიკვდილის წინ ესღა თქვა:"შეუნდეთ,ხალხო,რამეთუ,არც კი იცის,რას აკეთებს".ეს სიტყვები ღმერთის მიმართ ითქვა.

 

ბაჭია, გაიქეცი

 

ეს არის ამერიკელი მწერლის, ჯონ აპდაიკის რომანი. 

ბაჭია 26 წლის ყოფილი კალათბურთელია .მას აღიზიანებს ცოლის ორსულობა და ლოთობა. ცოლსაც არ სუამოვნებს საკუთარი ორსულობა. ბაჭიას აღიზიანებს ჯენისის უჭკუობა .გულში მას იდიოტს უწოდებს. იგი სახლიდან გაიქცა ახლომახლო ქალაქში. გაიქცა უმისამართოდ. სამხრეთში უნდოდა წასვლა, მაგრამ დასავლეთში ამოყო თავი.შემდეგ ისევ თავის მშობლიურ ქალაქში დაბრუნდა და მწვრთნელთან გამოძინება გადაწყვიტა, რადგან სახლში დაბრუნება არ უნდა. მწვრთნელი გაოგნებული დარჩა , თუ რამ აქცია მისი მოსწავლე ასეთ მონსტრად. თუმცა ეს მწვრთნელიც დიდ ნაძირალად მომეჩვენა .მომდევნო დღეს მან ბაჭიას ქალები მოუყვანა და ჯენისს მანაც იდიოტი უწოდა . 

ბაჭიას პიროვნება დიდად არ მომწონს. ნამდვილი ნაძირალაა. ყველაფერზე ზიზღით ფიქრობს. ცოლისგან გაქცევა ხომ ლაჩრობაა .მისი ნაძირალური მსოფლმხედველობა არის, რომ თუკი მოახერხებ და იმად დარჩები, რაც ხარ,შენ მაგივრად პასუხს სხვა აგებს. 

მას ცხოვრება ფეხებზე ჰკიდია. 

მან ცოლს უღალატა მეძავთან. იგი მეძავის მიმართ სითბოს გრძნობს. მას რუთი ჰქვია. იგი მას მიეჯაჭვა და მასთან იწყებს ცხოვრებას. 

ზოგჯერ დადებითი თვისებებიც აქვს. იგი მორწმუნეა და ილოცა, რომ მისი ცოლ-შვილი კარგად იყონ .

ბაჭიას გადარწმუნებას ცდილობს მღვდელი. იგი კი, ისეთი ნაძირალაა , რომ მღვდლის ცოლს საჯდომზე ხელი მიარტყა. 

მეორე შვილის დაბადებას დაესწრო . მათ გოგონა შეეძინათ. ბაჭია ოჯახში ბრუნდება. ბავშვის გაჩენამ ისინი ისევ დააახლოვა. 

თითქოს ყველაფერი კარგად არის, მაგრამ მას რაღაც არ ასვენებს. თრგუნავს, რომ დედამისი რძალს ვერ იტანს . ეშინია , იმ მომენტის, როცა ჯენისი საავადმყოფოთან სახლში დაბრუნდება .თან, მას მღვდლის ცოლი აღაგზნებს, თუმცა ცდუნებას გაუძლო. 

ჯენისი დაბრუნდა. მას სექსი არ შეუძლია 6 კვირა. ბაჭია კი ატეხილია. უარის გამო ისევ სახლიდან გაიქცა. მისი ცოლი დათვრა და შემთხვევით ახალშობილი აბაზანაში დაახრჩო. 

შვილის სიკვდილის მერე ისევ სძულს მეუღლე და ისევ რუთს დაუბრუნდა. იქაც სიურპრიზი ელოდება. რუთი ორსულად არის. ახლა რა უნდა ქნას? ის ისევ გარბის.პრობლემებისგან გაქცევის შინაგანი მოთხოვნილება აქვს. 

ნაწარმოები საერთო ჯამში, ძალიან რეალისტურია. ასეთი რამ ყველას შეიძლება შეემთხვეს. ამიტომაც წიგნმა ძალიან დამთრგუნა. ძნელია სიმართლის მოსმენა. 

გამოთქმები წიგნიდან :

1.სამყარო ასეა მოწყობილი -სწორი გზა თავდაპირველად მცდარი გვეჩვენება, ჩვენი რწმენის გამოსაცდელად. 

2.სამართლიანობა და უსამართლობა ციდან არ ცვივა. მათ ჩვენ ვქმნით. 

#რაბინდრანატთაგორი

ამ ლექსთა კრებულში ჩანს, რომ მწერალს უნდა ადამიანები სიცოცხლის დიდ საიდუმლოს აზიაროს.
  მისი ლექსები ძალიან რომანტიული და ლირიკულია.
  მის ლექსებში ჩანს მისი კარ-მიდამო, ბუნების სიყვარული და სოფლური იდილიური ყოფა.
  საინტერესოა ლექსი, სადაც პოეტი ოქროსფერ ირემს დაეძებს.
  შემდეგ მოდის მოთხრობა -ზღაპრები დედა -შვილობაზე. ამ მოთხრობებს გასდევს აზრი, რომ დედა-შვილს შორის ყველაზე სანუკვარი ურთიერთობაა.
შემდეგ მოდის აფორიზმები. ასევე, შეხვდებით ღმერთისადმი საგალობლებს.
  პოეტი ამბობს, რომ რადგან სიცოცხლე უყვარს ,სიკვდილიც ეყვარება, როცა ის მოვა.
   პოეტი ჰინდუისტი იყო,მაგრამ მისი ლექსები ქრისტიანობასაც უხდება.



ამ წიგნში ასევე არის თხზულება "დღენი ჩემი სიჭაბუკისა ".
ეს არ არის მისი ავტობიოგრაფია, არამედ ლიტერატურული მასალა.
  მწერალი იხსენებს, როგორ ეზიარა პოეზიას.
  იგი თხზავდა ლექსებს სულის ერთიანობაზე, ექოზე, ღრუბლებზე, რადგან ის ამ ყველაფერს განიცდიდა.
  იხსენებს , როგორ მკაცრად ექცეოდნენ მსახურები და აკრიტიკებს სერვოკრატიას.
მისი მასწავლებლები უხეშობით გამოირჩეოდნენ და ბავშვებიც სწავლობდნენ უხეშობას.
  მან ბავშვობიდან დაიწყო წერა.
  იხსენებს ,როგორ მონათლეს ბრაჰმანად .ბრაჰმანი არის ინდუიზმის ყველაზე მაღალი წოდება, ანუ ქურუმი.
  თაგორი ბავშვობიდან ლიტერატურულ გარემოში იზრდებოდა. მისი ძმებიც წერდნენ და ოჯახის ყველა წევრი ეცნობოდა ლიტერატურას.
  მას დიდი წვლილი მიუძღვის ბენგალური ენის განვითარებაში. ბენგალური ენა ინდურიდან მომდინარეობს. ამჟამად ბენგალელების ნაწილი ინდოეთში შედის და ნაწილი პაკისტანში .
  თაგორი ნანობს, რომ მისი მოუმწიფებელი ნაშრომები ნაადრევად დაიბეჭდა მის ახალგაზრდობაში.
  თაგორისთვის ინგლისური ლიტერატურა ქარიშხლიანი და ვნებათაღელვით სავსეა .მიაჩნდა, რომ ინგლისურ ლიტერატურას ზომიერება აკლია.
  მწერალი ცდილობს გამოიცნოს, რა მოხდება ერთ დღეს მიზიდულობის ძალამ ,რომ იკლოს და შენობებზე და ძეგლზე გადახტომა შევძლოთ?
შესანიშნავი წიგნია დამწყები პოეტებისთვის. თაგორი ხომ სულით ხორცამდე პოეტი იყო.
  ასევე ,კარგი წიგნია რომ ვისწავლოთ როგორ მოვექცეთ ბავშვს.
  რაღაცით ჟან პოლ სარტრის "სიტყვები "გაგახსენდებათ. იქაც მწერლის ლიტერატურით ბავშვობიდან დაინტერესებაა აღწერილი.
  თვითონ თაგორი ძალიან გულუბრყვილო, მოკრძალებული ადამიანი ჩანს . იგი თითქოს უდარდელი პეპელაა და მისთვის უცნობია სოციალური თუ სხვა პრობლემები .


გთავაზობთ რამდენიმე გამოთქმას წიგნიდან :
1.ის, ვის ხელშიაც იმყოფება ძალაუფლება, არ შეიძლება ბოროტად არ სარგებლობდეს ამ თავისუფლებით .მაგრამ ბოროტად სარგებლობის გარეშეც თავისუფლება ხომ თავისუფლება არ იქნებოდა.
2.დიადის გამეორება შეუძლებელია დამახინჯების გარეშე .

ალბერ კამიუს "სარჩული და პირი "

  მოთხრობათა კრებულის შესავალში ავტორი ამბობს, რომ ეს იყო მისი პირველი ესეები და არ მოსწონს მათი მძიმე ფორმა. ამბობს, რომ ამ ესეებს ბევრი ნაკლოვანებები აქვს. ეს მისი ცხოვრების ის პერიოდია, როდესაც აფრიკაში გაუსაძლის სიცხეში და სიღარიბეში ცხოვრობდა. სწორედ იქიდან დაუწყო ირონიით ყურება კომფორტს .
  მოთხრობაში ირონია აღწერილია სიბერე და როგორი მარტოსულები, მიტოვებულები არიან მოხუცები.
  მოთხრობაში "ჰო-სა და არა-ს შორის "ისევ სიღარიბეზეა საუბარი .
  მოთხრობაში "სიკვდილი სულში "ავტორი გვიამბობს თავის მარტოობაზე, უთვისტომობაზე პრაღაში.
  მოთხრობაში "სიცოცხლის სიყვარული "ჩანს, რომ მწერალს მოგზაურობა არ უყვარს .მისი ყველა მოგზაურობა სევდიანია.
  ამ მოთხრობების კრებულს გასდევს საშინელი სევდა ,ამაოების განცდა, ადამიანის უმწეობა ცხოვრების წინაშე.
  რატომ ჰქვია სარჩული და პირი? მწერალი სამყაროს სარჩულს და პირს გულისხმობს. ანუ მზე და ჩრდილი,ორი უკიდურესობა, ჭეშმარიტების ძიება და მისი ვერ პოვნა.
  მზე ეს არის ალჟირი ,ჩრდილი ეს არის ევროპა. მწერალი ალჟირში გატარებულ ახალგაზრდობას უფრო ტკბილად იხსენებს ,ვიდრე ჩრდილიან ევროპას .

გამოთქმები წიგნიდან :
1.ზღვის ბორგვა არის სამყაროს გრძელი და გაბმული სუნთქვა.
2.სიმდიდრის გარკვეულ ზღვარს რომ მიაღწევ, ზეცაც და ვარსკვლავებით კალთაამოვსებული ღამეც ჩვეულებრივ  ფუფუნებად გვესახება და ამაში სასწაულს ვერაფერს ჭვრეტ, აი, სიღარიბეს და სიდუხჭირეს ნაჩვევ კაცს კი, ზეცა თავის ნამდვილ არსს წარმოუჩენს და ფასდაუდებელ მადლად იქცევა მისთვის.
3.ერთადერთ შესაძლებელ ბედნიერებას ვეზიარე -საკუთარი გონება შემოვირიგე და მეგობრად გავიხადე.
4.კულტურის გარეშე შთენილი, თვით სრულქმნილი საზოგადოებაც კი ჯუნგლებს ემსგავსება.

თათული ღვინიანიძის "აღიარება ხელისგულზე "

  ჟურნალისტიკის სტუდენტი რადა მოდებაძე, რომელსაც ყველა დასცინის, ჯგუფელებზე პიკანტურ ინფორმაციას აგროვებს და ანონიმურ გაზეთს აქვეყნებს.
  მას ჯგუფში ყველაზე პოპულარული ბიჭი შეუყვარდა -ანდრია მახარაძე .მას შემდეგ რაც ამ ბიჭმა მონაწილეობა მიიღო გათამაშებაში ,რომლის მიხედვითაც რადა უნდა შეეცდინა, გოგონამ შურისძიება გადაწყვიტა.
  ანდრიას ბოდიშის მიუხედავად, რადამ ყველას გააგებინა, რომ ანდრია "გალავარეზობს".
  ყველაფერი საშინლად დამთავრდა. რადას ერთ -ერთმა შერცხვენილმა ჯგუფელმა თავი მოიკლა. ანდრია კი ავარიაში მოჰყვა. რადას ჟურნალისტობა აღარ უნდა  რადგან მიხვდა , რომ ამ პროფესიას მხოლოდ საკუთარი სიამოვნებისთვის იყენებს.
  იგი ინგლისში გაიქცა და მიმტანად დაიწყო მუშაობა მატარებელში. მატარებლის რესტორანში ორი წლის მერე ისევ შეხვდა ანდრიას.
  ლონდონში ერთად დაიწყეს ცხოვრება .რადამ სცენარისტობას მიჰყო ხელი. მათი სიყვარული იდეალური იყო თითქოს ,მაგრამ ანდრიამ მას უღალატა. რადამ ეს ვერ აპატია და დაშორდნენ.
  უცნაურია, როგორ აკლია ამ გოგოს პატიების უნარი და როგორ ანგრევს ადამიანების ცხოვრებას. სიუჟეტის უფრო მძაფრ განვითარებას მოველოდი და ვფიქრობდი, რომ რადა უნდა დასჯილიყო ადამიანის თვითმკვლელობამდე მიყვანისთვის, მაგრამ მეორე ნაწილში მხოლოდ "ლავ სთორი "დამხვდა. ამ წიგნის მიხედვით, სიყვარული ხანმოკლეა  და ყველაზე იდეალური წყვილებიც კი შორდებიან.
  მოკლედ თინეიჯერული საკითხავია.

ცნობები ლევან სანიკიძის "დედა ისტორიიდან"

  ინგილოები იყვნენ ლეკების მიერ ძალით გამაჰმადიანებული ქართველი გლეხები.
  ერეკლე მეორე ერთხანს ინდოეთში იყო გაგზავნილი ნადირ შაჰის მიერ საომრად.
  ერეკლე მეორემ ერევანი გაანთავისუფლა ყიზილბაშებისგან და ერევანი მას ხარკს უხდიდა.
  იმერეთის მეფის სოლომონ პირველის მეტსახელი იყო ქვახეთქია,მისი საოცარი თვალების გამო.
  გოტჰოლდ ეფრაიმ ლესინგმა პიესაში "მინა ფონ ბარნჰელმი"ერეკლე მეორე აქო და ადიდა.
  1795 წლის კრწანისის ტრაგედიის მერე,რუსეთმა სპარსეთს ომი გამოუცხადა 1796 წელს,მაგრამ ომი არ შედგა,რადგან ეკატერინე მეორე გარდაიცვალა.
  ერეკლე მეორე წყალმანკით გარდაიცვალა.(სათესლეს გარშემო წყლით სავსე ბუშტის წარმოქმნა).
  კახეთში,სოფელ კაკაბეთთან,ნიახურას ციხესთან ქართველების და რუსების გაერთიანებულმა ჯარმა დაამარცხა ლეკები.
  მას შემდეგ რაც მეფობა გააუქმეს ქართლ-კახეთში,რუსებმა ქართველი მეფეები და მათი შთამომავლობა რუსეთში გადაასახლეს და იქ პენსია დაუნიშნეს.
  მთიულეთის აჯანყების დროს,კაიშაურის კოშკთან 17 რუსი ჯარისკაცი მოკლეს.კაიშაური ხადას ხეობაშია.
  ალექსანდრე ჭავჭავაძე იყო სომხეთის ოლქის პირველი გამგებელი.
  ალექსანდრე გრიბოედოვმა შეადგინა თურქმანჩაის ზავი,რომლითაც ირანმა აღიარა რუსების ბატონობა კასპიის ზღვისპირეთში.
  1828 წელს გენერალმა პასკევიჩმა სამცხე-ჯავახეთში სომხები ჩაასახლა.
  რუსეთმა ყველაზე გვიან ბათუმი აიღო 1878 წელს.

ცნობები ლევან სანიკიძის წიგნიდან "დედა ისტორია"

  თემურ-ლენგმა ილაშქრა ირანშიც და ინდოეთშიც.
  დავით აღმაშენებლის დროიდან მოყოლებული მესხები ყოველთვის წინა ხაზზე იბრძოდნენ,მარჯვნივ იმერეთი,მარცხნივ კახეთი და უკან ქართლი.
  კიდევაც დაიზრდებიან ალგეთს ლეკვები მგლისანი.ეს ხალხური ლექსი მეთექვსმეტე საუკუნეში შეიქმნა,როდესაც ალგეთის ხეობაში,ფარცხისის ბრძოლაში ქართველები ირანელებთან დამარცხდნენ.
  შაჰ-აბასი მიერეკებოდა ქართველებს ფერეიდანში,რადგან ეიმედებოდა,რომ ქართველები ხრიოკ ირანულ მიწაზე მიწათმოქმედებას გააჩაღებდნენ.
  ქეთევანი შირაზში აწამეს.მისი ნაწილები ისპაჰანის კათოლიკურ ეკლესიაში გადაასვენეს,იქიდან კი გოას და-გრასას მონასტერში.
  სუფრაჯი ნიშნავს სუფრის გამგებელს.
  როსტომ ხანის შემდეგ მთელი 100 წელი ქართლს გამაჰმადიანებული ქართველები მართავდნენ,მაგრამ მათ ირანელი შაჰები ნიშნავდნენ.
  1650 წელს ქუთაისში რუსი ელჩები იევლევი და ტოლჩანოვი ჩამოვიდნენ.მათ ტაძრების აღწერილობა დაგვიტოვეს.ისინი თეიმურაზ პირველმა მოიწვია,რადგან რუსეთის იმედი ჰქონდა.იგი იმერეთში იმალებოდა.
  ტრისტიციები ეს არის სევდიანი ლექსები.
  სულხან-საბას მოგზაურობა ევროპაში წარმატებით რომ დასრულებულიყო,ახლა საქართველო კათოლიკური იქნებოდა.
  ვახტანგ მეექვსე იყო კარგი მწიგნობარი და განმანათლებელი,მაგრამ ცუდი პოლიტიკოსი და სარდალი.მას შეეძლო დაეპყრო ირანი,მაგრამ ვერ გაბედა.

ცნობები ლევან სანიკიძის "დედა ისტორიიდან"

ბუღა თურქმა მოკლა კონსტანტი კახი,აბულ ყასიმმა გობრონი.
დავით სოსლანი გამსახურდიასეული გიორგი პირველის მეორე ცოლისგან შობილი ვაჟის შთამომავალი იყო.
ბაგრატ მეოთხის ასული მართა-მარიამი მეთერთმეტე საუკუნეში ბიზანტიის დედოფალი ანუ ბასილისა იყო.
დავით აღმაშენებლის მეუღლე,გურანდუხტი ყივჩაღთა მთავრის ასული იყო.
აღმაშენებლის დროს შეიქმნა დიდი სახელმწიფო,სადაც ყველა კავკასიელი ხალხი გაერთიანდა.ნიკოფსიიდან დარუბანდამდე, ოვსეთიდან არეგაწამდის.
დემეტრე პირველმა თვალები დასთხარა საკუთარ ძმას,ცვატას ღალატისთვის.
გიორგი მესამემ თვალები დასთხარა ძმის შვილს,დემნა ბატონიშვილს ღალატისთვის.
ლაშა-გიორგის ზედნადები სახელი ლაშა ნიშნავს განმანათლებელს,ქვეყნის მანათობელს.
დავით ნარინმა დაარბია და შეინარჩუნა თამარის დროს შექმნილი ტრაპიზონის სამეფო.
მეცამეტე საუკუნეში,მონღოლების დროს ,სამცხე-ჯავახეთი გამოეყო თამარის ერთიან საქართველოს და იქ ცალკე მმართველობა დამკვიდრდა.აქ მშვიდობა იყო,რადგან სამცხეს მონღოლები მფარველობდნენ.სამცხე გიორგი ბრწყინვალემ შემოიერთა.მან აღმაშენებლის დროინდელი საქართველო აღადგინა.
თემურ-ლენგი თურმე წიგნებს სცემდა პატივს.ქართული ბიბლიოთეკა გაიტანა სამარყანდში.

ცნობები ლევან სანიკიძის "დედა ისტორიიდან"

  ავტორი იყენებს გამოთქმას "თავადი სიტყვა" ანუ მთავარი სიტყვა.
  აიეტის და პასიფაე იყო კრეტის მეფის მინოსის ცოლი.
  თურმე, ოქროს საწმისი ერთ ლტოლვილ ბერძენ პრინცს მოუტანია კოლხეთში.
  მედეას ბერძნებმა შვილები მოუკლეს,რადგან მედეამ ჯადოქრობით მოკლა იასონის ახალი საცოლე.
  ევრიპიდეს ტრაგედია "მედეას" გამო ჰგონიათ მედეა შვილების მკვლელი.
  ფარნავაზიც,მსგავსად ვახტანგ გორგასლისა,თბილისისკენ ნადირობდა.მან დიღმის ველზე იპოვა ცნობილი განძი.
  ელიოზ მცხეთელი და ლონგინოზ კარსნელი შესაძლოა რაბინები იყვნენ და იესოს გასასამართლებლად მიიწვიეს იერუსალიმში.
  პონტო ბერძნული წარმოშობის სახელმწიფო იყო,ხოლო პართია ირანელი არშაკიდების.
  წმინდა ნინომ მთიულეთში იქადაგა ქრისტიანობა კახეთში დასახლებამდე.
  ნინომ გააქრისტიანა რიფსიმე და გაიანე.
  კონსტანტინოპოლს იმპერატორ კონსტანტინეს საპატივცემულოდ დაერქვა ეს სახელი.ეს ის კონსტანტინეა,რომელმაც ქრისტიანობა პირველმა მიიღო.
  მანამდე კონსტანტინოპოლი იყო ძველი ბერძნული კოლონია ბიზანტიონი.აქედან მოდის ბიზანტიის იმპერიის სახელი.
  ფოთში არსებობდა სკოლა მუზათა ტაძარი.
  ვახტანგ გორგასლის ერთ-ერთი სახელი იყო იალბუზის გმირი.
  ბიზანტიის იმპერატორმა ჰერაკლემ თბილისი მოარბია,რადგან მცხეთის ჯვრის აღმშენებელი სტეფანოზი სპარსული ორიენტაციის იყო.